Donostiako Lugaritz Kultur Etxea, Gernikako Lizeo Antzokia edo Arrigorriagako Lonbo Aretoa izango dira, abenduaren 20, 21 eta 29an hurrenez hurren, Zer duzu, Marie? antzezlana ezagutzeko aukera eskainiko duten eszenatokiak. Marie de Jongh konpainiak sortutako lan honek hainbat sari garrantzitsu bildu ditu bere estreinalditik besteak beste ikuskizun onenari eta baita Jokin Oregi zuzendariak ere. Ikuskizunak txotxongilo eta aktore lana tartekatzen ditu haurtzaindegi batetako egunerokotasuna islatzeko; eszenatokian Ana Meabe eta Javi renobales aktore eta manipulatzaileek irakasle, zuzendari eta Marie haurtxoaren gorabeherak aurkezten dituzte haurtzaroan horren garrantzitsuak diren maitasuna, goxotasuna eta segurtasunari buruz hitz eginez.

Vaiven Producciones konpainia donostiarrak Inalanbrikak komedia musikala taularatuko du Tolosa, Zumaia eta Donostian hilaren 26, 28 eta 30ean. Ikuskizuna konpainiako sortzaile diren Ana Pimenta eta Iñaki Salvadorren ideia batetatik abiatu zen, hau da musikak haur eta gaztetxoen beldurrak sendatzeko ematen dituen aukeretan sakontzea, ideia borobiltzeko konpainiak Antonio Muñoz de Mesa eta Olga MArgallorekin lanean hasi eta azken honen zuzendaritzapean Inalanbrikak sortu zen. Antzezlanak, amonak bere ilobei gaztetan bi lagunekin batera sortu zuen Inalanbrikak musika taldearen lehen kontzertuan izandako buratazio eta gorabeherekin abiatzen da bizitako beldurrak, inbidiak etab. azalduz; ondorioz ikuskizunak 40 eta 50. hamarkadetara egingo du salto orduko estetikan oinarritzen den eszenografia eta jantziak erabiliz baina egungo musika eta erritmoen laguntzaz.

?Teatro Paraisoren azken ikuskizuna, Lorategian bat eta hiru urte bitarteko umetxoei zuzenduta dago eta hastapenetik haurrak irudien munduan murgilduta daudela jakinik irudi ezberdinak hartu dituzte abiapuntu hainat sari jaso duen ikuskizun hau sortzeko. Ermuko Lobiano Kultur Etxean abenduaren 20an ikusgai izango den lan honek beraz antzerkia, bideoa, itzalak eta marrazkiak ditu oinarri ikuslego berezi honi esperientzia bisual eta ludiko baten bidez, betiere modu aktiboan, haurtxoen partehartzea hasiera hasieratik bultzatzuz. Ametsak, irudiak, argitasuna eta emozioak bidelagun, Lorategian obraren aktoreek unibertso poetiko bat sortzen dute ikusle txikienei konfidantza giro batetan, beraien harridura eta emozioak azaleratzeko aukera emanez.

Ermuako Lobiano Kultur
Etxean baita ere baina hilaren 27an Eidabe Ekimen Kulturalak ekoiztutako eta Andoni Etxanizek zuzentzen duen Ametsen museoa ezagutzeko parada izango da. Antxonen gurasoak, nahiz eta larunbata izan, lanera joan beharra dute beraz museora bidaltzen dute Antxon nahiz eta horrelako tokietan zeharo aspertzen den. Gaur ere berdin aurkitzen da, asper asper eginda museoko hometan zintzilik dauden margoei so... bapatean museoko zenbait pertsona agertzen hasiko dira, bertako langileak batzuk eta zintzilik dauden margo hoietan agertzen diren irudi batzuk ere... Leonardo da Vinciren Gioconda, Velazquezen Menina... eta apurka apurka, pertsonai berezi hauen laguntzaz koadroetaz gozatzen ikasteko aukera izango du Antxonek.

Luis Eduardo Aute

Kepa Junkera